کیپٹنز ڈے - ہم نیوز - Hum News

پاکستان کرکٹ ٹیم کے کپتان بابر اعظم نے کہا ہے کہ بھارت میں استقبال توقعات کے برعکس ہوا، حیدر آباد میں بریانی بھی بہت اچھی تھی، اور اچھا لگتا اگر ہماری طرف سے بھی فینز یہاں آتے۔ بھارتی شہر احمد آباد میں ورلڈکپ کے آغاز سے قبل 'کیپٹنز ڈے شو' میں تمام ٹیموں کے کپتان شریک ہوئے۔ اس موقع پر بابر اعظم خصوصی طیارے کے ذریعے حیدرآباد سے احمد آباد پہنچے جہاں انکا پُرتپاک استقبال کیا گیا۔ صرف ورلڈکپ کے سیمی فائنلز اور فائنل میچز کیلئے ریزرو ڈے ہوگا اس موقع پر بابر اعظم کا کہنا تھا کہ ہماری سٹرینتھ ہمیشہ سے باولنگ رہی ہے اور اب بھی باؤلنگ ہے۔ ٹیم میں شامل تمام کھلاڑی 3 سال سے ایک ساتھ کھیل رہے ہیں، پہلی بال سے جیتنے کیلئے جائیں گے۔ قومی ٹیم کے کپتان نے کہا کہ پاکستان ٹیم نے بھارت سے پہلے بھی دو میچ کھیلنے ہے۔ بھارت میں کنڈیشن پاکستان اور جنوبی ایشیا جیسی ہیں۔ بھارت میں باؤنڈری چھوٹی ہے جس سے بلے بازوں کو فائدہ ہوگا۔ اس دوران ایک بھارتی صحافی نے سوال کیا کہ شعیب اختر نے کہا تھا کہ جب آپ میدان میں اتریں گے تو اکیلے ہونگے، آپکا سفر اب تک حیدرآباد میں کیسا رہا؟ بابر نے جواب دیا کہ ہم نے بھی یہی سن رکھا تھا لیکن جس طرح کی ایئرپورٹ سے لے کر ہوٹل اور پھر گراؤنڈ تک مہمان نوازی دیکھنے کو ملی بہت اچھا لگا۔ 1979 سے اب تک پاکستان ٹیم کا ورلڈکپ سفر کب کہاں تمام ہوا؟ دیگر ٹیموں کے کپتانوں نے بھی اس دوران ورلڈکپ کی شروعات سے قبل اپنی ٹیم کی کارکردگی سے متعلق اظہار خیال کیا۔ آسٹریلوی کپتان پیٹ کمنز نے کہا کہ ون ڈے فارمیٹ آسٹریلین ٹیم کو سوٹ کرتا ہے۔ ہم پہلے بھی جیتے ہیں، تسلسل جاری رکھنے کی کوشش کریں گے۔ کیوی کپتان کین ولیمسن کا کہنا تھا کہ ایک بار پھر ورلڈ کپ میں کپتانی کرنے پر پُرجوش ہوں۔

بھارتی شائقین کو دیکھ کر اچھا لگا، ہمارے فینز بھی آتے تو اور اچھا لگتا، بابر اعظم

October 4, 2023ویب ڈیسک0

ہماری سٹرینتھ ہمیشہ سے باولنگ رہی ہے اور اب بھی باؤلنگ ہے