سابق وفاقی وزیراورپاکستان پیپلز پارٹی کے رہنما ندیم افضل چن نے نئی نیٹ میٹرنگ پالیسی کو مسترد کرتے ہوئے وفاقی حکومت اور نیپرا کے خلاف عدالت سے رجوع کرنے کا اعلان کردیا ہے۔
ندیم افضل چن کا کہنا ہے کہ نئی پالیسی کے ذریعے سولرصارفین کے ساتھ ایک بڑا فراڈ شروع کردیا گیا ہے، جس سے عوام کو شدید مالی نقصان کا سامنا کرنا پڑے گا۔
انہوں نے کہا کہ سولر انرجی استعمال کرنے والے صارفین نے بھاری سرمایہ کاری کی ہے، مگر نئی نیٹ میٹرنگ پالیسی ان کے حقوق کو بری طرح متاثرکررہی ہے، یہ پالیسی عوام دشمن ہے اوراسے فوری طور پرواپس لیا جانا چاہیے۔
محسن نقوی کی فیصل کریم کنڈی سے ملاقات، امن و امان اور پی ایس ایل میچز پر مشاورت
پیپلز پارٹی کے رہنما نے واضح کیا کہ وہ اس معاملے پرخاموش نہیں رہیں گے اور قانونی راستہ اختیارکرتے ہوئے وفاقی حکومت اور نیپرا کے خلاف عدالت جائیں گے۔
ان کا کہنا تھا کہ سولرتوانائی کے فروغ کے بجائے اس پالیسی کے ذریعے عوام کو مایوسی کی طرف دھکیلا جا رہا ہے، جو کسی صورت قابل قبول نہیں۔
