ایران کے سپریم لیڈر آیت اللّٰہ علی خامنہ ای نے 37 سال کے دوران پہلی بار 8 فروری کو فضائیہ کے کمانڈوز سے ہونے والی سالانہ تقریب میں شرکت نہیں کی۔
یہ تقریب 1979ء میں شاہی حکومت کے خاتمے سے قبل فضائیہ کے افسران کی روح اللّٰہ خمینی سے بیعت کی یاد میں ہر سال منعقد کی جاتی ہے۔
عرب میڈیا کے مطابق اس سال خامنہ ای کی جگہ ایران کی مسلح افواج کے چیف آف اسٹاف جنرل عبدالرحیم موسوی نے فضائیہ کے کمانڈروز سے ملاقات کی۔
میزائل پروگرام قومی دفاع کا معاملہ ، کسی صورت مذاکرات کا حصہ نہیں بنے گا ، ایران
خامنہ ای 1989ء میں اقتدار سنبھالنے کے بعد ہر سال اس تقریب میں شریک ہوتے رہے ہیں ، حتیٰ کہ کورونا کی وباء کے دوران بھی انہوں نے مذکورہ تقریب میں شرکت کی تھی۔
سپریم لیڈر کی غیر حاضری ایسے وقت میں سامنے آئی ہے جب امریکا نے خطے میں اپنی فوجی موجودگی بڑھا دی ہے۔
