ہالینڈ کے زلزلہ پیما ماہر فرینک ہوگربیٹس روایتی متنازع پیش گوئیوں کا سلسلہ جاری رکھے ہوئے ہیں۔
انہوں نے انتباہ جاری کرتے ہوئے کہا کہ آنے والے چند دنوں میں زمین پر ممکنہ زلزلہ خیز سرگرمیاں دیکھنے کو مل سکتی ہیں اور اس بار انہوں نے کسی ”سرپرائز“ سے بھی خبردار رہنے کی تاکیدکی ہے۔
فرینک کا کہنا تھا کہ اجرامِ فلکی کی ترتیب جسے وہ سیاروں کی جیومیٹری کہتے ہیں، اس وقت خاص طور پر اہم ہے، انہوں نے کہا کہ 13 سے 15 فروری کے درمیان زمین، چاند اور سیارہ مشتری ایک لائن میں آ رہے ہیں، جس کی وجہ سے زلزلوں کی سرگرمیاں بڑھ سکتی ہیں۔
ان کا کہنا تھا کہ میں آپ کو 13 سے 15 فروری تک انتہائی محتاط رہنے کا مشورہ دیتا ہوں کیونکہ اس دوران ایک بڑا زلزلہ آ سکتا ہے اور کوئی حیران کن واقعہ پیش آ سکتا ہے۔
امریکا نے پاکستان سے متعلق نیا سیکیورٹی الرٹ جاری کر دیا
اس کے برعکس سائنسی ماہرین نے فرینک کے نظریات کو سختی سے مسترد کرتے ہوئے کہا کہ یہ دعوے غیر سائنسی ہیں اور سیاروں کی گردش کا زمین پر زلزلوں سے کوئی تعلق موجودہ سائنسی بنیادوں پر نہیں پایا جاتا۔
ان کا کہنا تھا کہ اگرچہ کچھ علاقے زلزلے کیلئے زیادہ خطرناک ہیں لیکن مختصر مدت میں درست پیش گوئی ممکن نہیں۔
