پاکستان میں ڈائریکٹر جنرل امیگریشن اینڈ پاسپورٹس نے نادرا کے تعاون سے نیا آن لائن پاسپورٹ تصدیقی نظام متعارف کروایا ہے۔
حکام کے مطابق نئے نظام کے تحت آن لائن پاسپورٹ درخواست دہندگان کے فنگر پرنٹس کی تصدیق میں پیش آنے والا تکنیکی مسئلہ اب حل کر دیا گیا ہے۔
برازیل کے بعد اب پاکستان میں بھی سوشل میڈیا پر پابندی؟
شہری نادرا کی پاک آئی ڈی ایپ کے ذریعے آسانی سے اپنے فنگر پرنٹس کی تصدیق کر سکتے ہیں، جبکہ جہاں فنگر پرنٹ کی تصدیق میں دشواری پیش آئے، وہاں چہرے کی شناخت کی سہولت بھی دستیاب ہوگی۔
ڈائریکٹر جنرل پاسپورٹس مصطفی جمال قاضی نے کہا کہ ہم ہر ممکن جدید سہولت فراہم کرنے کے لیے پرعزم ہیں تاکہ شہریوں کے لیے خدمات زیادہ آسان بنائی جا سکیں۔
گوگل نے اینڈرائیڈ صارفین کیلئے ایمرجنسی سروسز میں نیا فیچر متعارف کر دیا
ماہرین کے مطابق نئے نظام سے خاص طور پر اوورسیز پاکستانیوں اور بزرگ شہریوں کو فائدہ ہوگا، جنہیں پہلے آن لائن فنگر پرنٹ تصدیق میں مشکلات کا سامنا کرنا پڑتا تھا۔
