نیوزی لینڈ نے دوسرے ٹیسٹ کے پہلے روز ویسٹ انڈیز کو 205 رنز پر آؤٹ کر کے میچ پر گرفت مضبوط بنا لی، تاہم ان کی کمزور پڑتی بولنگ لائن کو ایک اور دھچکا اس وقت لگا جب فاسٹ بولر بلیئر ٹکنر فیلڈنگ کے دوران کندھے کی انجری کا شکار ہو کر اسپتال پہنچ گئے۔
بیسن ریزرو میں کھیلے جا رہے میچ کے افتتاحی روز نیوزی لینڈ نے ٹاس جیت کر ویسٹ انڈیز کو بیٹنگ کی دعوت دی۔ مہمان ٹیم نے اوپنرز جان کیمبل اور برینڈن کنگ کی 66 رنز کی شراکت سے اچھا آغاز کیا، مگر اس کے بعد نیوزی لینڈ کے بولرز نے میچ کا مکمل رخ بدل دیا۔
The West Indies are all out for 205. Tickner 4/32 | Rae 3/66.
Full scorecard – https://t.co/k6EYg2p2tB #NZvWIN | 📸 @PhotosportNZ pic.twitter.com/EFt2Ckab8b
— BLACKCAPS (@BLACKCAPS) December 10, 2025
ٹکنر، جنہوں نے تقریباً تین برس بعد ٹیسٹ میں واپسی کی، نے شاندار بولنگ کرتے ہوئے 32 رنز کے عوض چار وکٹیں حاصل کیں۔ تاہم فیلڈنگ کے دوران باؤنڈری روکنے کی کوشش میں ان کے بائیں کندھے میں چوٹ آئی اور وہ میدان سے باہر چلے گئے۔ ٹیم مینجمنٹ کے مطابق ان کی میچ میں مزید شرکت مشکوک ہے۔
30 سالہ ڈیبیوٹنٹ مائیکل رے نے بھی متاثرکن کارکردگی دکھاتے ہوئے 67 رنز کے عوض تین وکٹیں لیں اور ویسٹ انڈیز کی بیٹنگ لائن کو کمزور کرنے میں اہم کردار ادا کیا۔
ویسٹ انڈیز کی جانب سے شائے ہوپ 48 رنز کے ساتھ نمایاں رہے، جبکہ کپتان روستن چیس نے 29 رنز بنائے۔ ابتدائی اچھی شروعات کے باوجود آخری سات وکٹیں صرف 52 رنز کے اضافے سے گریں، جس سے میزبان ٹیم نے اہم برتری حاصل کر لی۔
A perfect opening hour in the second test with Brandon King and John Campbell.
66 without loss.#NZvWI | #MenInMaroon pic.twitter.com/xRezE0lZeJ
— Windies Cricket (@windiescricket) December 9, 2025
جواب میں نیوزی لینڈ نے بغیر نقصان کے 24 رنز بنا لیے ہیں۔ ڈیوون کونوے 16 اور ٹام لیتھم سات رنز پر ناٹ آؤٹ ہیں۔ نیوزی لینڈ کی ٹیم جمعرات کو کھیل کے دوسرے دن 181 رنز کے خسارے کو مزید کم کرنے کی کوشش کرے گی۔
