ڈھاکہ میں کھیلے گئے دوسرے ٹیسٹ میں بنگلہ دیش نے آئرلینڈ کو 217 رنز سے شکست دے کر 2 میچوں کی سیریز 0-2 سے اپنے نام کر لی۔
تجربہ کار وکٹ کیپر بیٹر مشفق الرحیم نے اپنے 100ویں ٹیسٹ میں شاندار کارکردگی دکھاتے ہوئے ایک سنچری اور ایک نصف سنچری اسکور کی اور پلیئر آف دی میچ قرار پائے، جبکہ اسپنر تیجول اسلام نے مجموعی طور پر 8 وکٹیں حاصل کیں۔
بنگلہ دیش نے پہلے ٹیسٹ کی طرح اس میچ میں بھی آغاز سے برتری قائم رکھی۔ پہلی اننگز میں اینڈی میک برائن کی 6 وکٹوں کے باوجود میزبان ٹیم نے مشفق الرحیم (106) اور لٹن داس (128) کی عمدہ بیٹنگ کی بدولت 476 رنز کا پہاڑ کھڑا کیا۔
جواب میں آئرلینڈ کی ٹیم 265 رنز بنا سکی، جہاں لارکن ٹکر نے 75 رنز کی ناقابلِ شکست اننگز کھیلی، لیکن تیجول اسلام نے 4-76 کے ساتھ مڈل آرڈر کو تباہ کر دیا۔
🏆 Bangladesh won the Dutch-Bangla Bank Bangladesh vs Ireland Test Series 2–0!
Post-match Presentation guests:
Mehrab Alam Chowdhury, Director, Bangladesh Cricket Board (BCB), Chairman, Security Committee of BCB
Md. Abedur Rahman Sikder, Deputy Managing Director, Dutch-Bangla… pic.twitter.com/4ra3rHmvnw
— Bangladesh Cricket (@BCBtigers) November 23, 2025
دوسری اننگز میں بنگلہ دیش نے تیز رفتاری سے رنز بنائے اور محمود الحسن جوائے، شادمان اسلام، مومن الحق اور مشفق الرحیم کی نصف سنچریوں کی مدد سے 69 اوورز میں 279-4 رنز بنا کر اننگز ڈکلیئر کر دی، جس سے آئرلینڈ کو 509 رنز کا مشکل ہدف ملا۔
ہدف کے تعاقب میں تیجول اسلام نے ابتدا ہی میں دونوں اوپنرز آؤٹ کر دیے، جبکہ حسن مراد نے 4-44 کے ساتھ ہیر ی ٹیکٹر (50) کو بڑی پارٹنرشپ بنانے سے پہلے ہی پویلین بھیج دیا۔ آئرلینڈ کی پوری ٹیم آخری روز 291 رنز پر ڈھیر ہو گئی۔
🏆 Bangladesh win the Dutch-Bangla Bank Bangladesh vs Ireland Test Series 2–0! pic.twitter.com/gBD8zpLOaa
— Bangladesh Cricket (@BCBtigers) November 23, 2025
میچ کے بعد کپتان نجم الحسن شانتو نے کہا کہ مراد اور تیجول کی بولنگ متاثر کن رہی اور ٹیم نے اپنی پلاننگ کے مطابق طویل بیٹنگ کر کے سیریز میں تسلسل برقرار رکھا۔
دونوں ٹیمیں اب جمعرات سے چٹگاؤں میں 3 ٹی ٹوئنٹی میچوں کی سیریز کھیلیں گی۔
