بھارتی کپتان شبھمن گِل گردن کی انجری کے باوجود جنوبی افریقہ کے خلاف دوسرے ٹیسٹ کیلئے گواہاٹی روانہ ہوں گے۔
تاہم بھارتی کرکٹ بورڈ (بی سی سی آئی) نے تصدیق کی ہے کہ شبھمن گل کی دوسرے ٹیسٹ میچ میں شرکت کا حتمی فیصلہ ان کے گواہاٹی پہنچنے کے بعد کیا جائے گا۔
شبھمن گِل پہلے ٹیسٹ کی پہلی اننگز میں صرف 3 گیندیں کھیلنے کے بعد گردن میں تکلیف محسوس کرنے پر ریٹائر ہرٹ ہوگئے تھے اور پھر باقی میچ میں میدان میں واپس نہ آسکے۔ بھارت یہ میچ 30 رنز سے ہار گیا تھا۔
بی سی سی آئی کے مطابق زخمی بیٹر کو اسپتال میں ایک دن زیرِ علاج رکھنے کے بعد ڈسچارج کردیا گیا ہے۔
Medical Update: Shubman Gill
Team India captain Shubman Gill suffered a neck injury on Day 2 of the Kolkata Test against South Africa and was taken to the hospital for examination after the end of day’s play.
He was kept under observation and discharged the next day. Shubman…
— BCCI (@BCCI) November 19, 2025
بیان میں کہا گیا کہ شبھمن گِل کی طبی حالت میں بہتری آرہی ہے اور وہ 19 نومبر کو ٹیم کے ساتھ گواہاٹی جائیں گے۔ ان کی مسلسل نگرانی کی جائے گی اور دوسرے ٹیسٹ میں شرکت کا فیصلہ بعد میں ہوگا۔
اگر شبھمن گِل میچ کے لیے دستیاب نہ ہوئے تو نائب کپتان رشبھ پنت ٹیم کی قیادت کریں گے۔ دوسرا ٹیسٹ ہفتہ کو گواہاٹی میں شروع ہوگا۔
دونوں ٹیمیں اس کے بعد 30 نومبر سے 19 دسمبر تک 3 ون ڈے اور 5 ٹی ٹوئنٹی میچز بھی کھیلیں گی۔
