نیدرلینڈز سے تعلق رکھنی والی ایتھلیٹ فیمکے بول نے جمعہ کو ورلڈ ایتھلیٹکس چیمپئین شپ میں اپنا عالمی 400 میٹر ہرڈلز — رکاوٹوں کی دوڑ — کے اعزاز کا کامیابی سے دفاٰع کیا اور ٹوکیو میں جاری مقابلوں میں اپنے ملک کو سونے کا پہلا تمغہ دلایا۔
امریکا سے تعلق رکھنے والی دو بار اولمپک گولڈ میڈل جیتنے والی اور عالمی ریکارڈ ہولڈر سڈنی مک لافلن-لیورون نے اس مرتبہ 400 میٹر ہرڈلز میں حصہ نہیں لیا۔
لیورون نے گزشتہ روز 400 میٹر کی دوڑ دنیا کی تاریخ میں دوسرے تیز ترین وقت میں جیتی تھی، مگر کل ہونے والی دوڑ اس دفعہ فیمکے بول نے حصہ نہیں لیا۔
بول نے ٹوکیو میں 51.54 سیکنڈ کے وقت میں شاندار طور پر فتح حاصل کی جو ان کے لیے ایک اور کامیاب سیزن کا اختتام تھا، جس کے دوران انہوں نے ناقابل یقین طور پر ڈائمنڈ لیگ کے چھ مقابلوں میں ناقابل شکست رہیں۔
امریکی جیسمین جونز اور سلواکیہ کی ایما زاپلیٹالووا نے بالترتیب 52.03 سیکنڈ کے ذاتی بہترین وقت میں چاندی اور 53.00 کے قومی ریکارڈ کیساتھ کانسی کا تمغہ جیتا۔
جمعہ کے روز لیورون کی عدم موجودگی ہجوم کو مایوس کر سکتی تھی لیکن بول صرف اپنا دوسرا عالمی ٹائٹل جیتنے کے بارے میں سوچ رہی تھی۔ دو سال پہلے بوڈاپسٹ میں بھی لیورون نے انجری کی وجہ سے مقابلہ چھوڑ دیا تھا۔
