اسلام آباد: بین الاقوامی میڈیا نے بھی فیلڈ مارشل سید عاصم منیر کی قائدانہ صلاحیتوں کا اعتراف کر لیا۔
معرکہ حق میں تاریخی فتح کے بعد پاکستان کے لیے سفارتی کامیابیوں کے نئے دور کا آغاز ہو گیا۔ اور بین الاقوامی میڈیا نے فیلڈ مارشل سید عاصم منیر کی قائدانہ صلاحیتوں کا اعتراف کر لیا۔
بین الاقوامی جریدے واشنگٹن ٹائمز نے فیلڈ مارشل سید عاصم منیر کو مردآہن قرار دیا۔ چینی وزارت خارجہ نے بھی پاک فوج کو استحکام کا ستون اور پاک چین دوستی کا مضبوط محافظ قرار دیا۔
امریکی صدر ڈونلڈ ٹرمپ نے بھی فیلڈ مارشل سید عاصم منیر(Asim Munir) کے لیے تاریخی جملے ادا کیے اور ان کی صلاحیتوں کو سراہا۔
واشنگٹن پوسٹ نے فیلڈ مارشل عاصم منیر کا دورہ امریکہ پاک امریکہ تعلقات میں نئی جہت کی علامت قرار دیا۔
فنانشل ٹائمز کے مطابق امریکہ فیلڈ مارشل عاصم منیر کو خطے میں اسٹریٹجک ثالث کے طور پر دیکھ رہا ہے۔
یہ بھی پڑھیں: فلڈ ریلیف آپریشن کے دوران انتقال کرنیوالے اسسٹنٹ کمشنر پتوکی کو سول ایوارڈ دینے کا فیصلہ
امریکہ (America) کا بلوچستان لبریشن آرمی (بی ایل اے) کو عالمی دہشتگرد تنظیم قرار دینا فیلڈ مارشل کی کامیاب ملٹری ڈپلومیسی میں نمایاں سنگِ میل ہے۔
امریکہ کی جانب سے انسدادِ دہشتگردی کیخلاف کاوشوں میں پاکستان کے مثبت کردار کی بھرپور انداز میں تعریف کی گئی۔
اس سے قبل بھی واشنگٹن ٹائمز کا کہنا تھا کہ امریکی صدر ڈونلڈ ٹرمپ کے بھارتی وزیر اعظم نریندر مودی سے بگڑتے تعلقات فیلڈ مارشل جنرل عاصم منیر کے لیے فائدہ مند ثابت ہوئے۔ بھارت کے ساتھ تنازعہ کے بعد جنرل عاصم منیر کو علامتی فتح دلانے کے لیے “اسٹیل کے اعصاب” والے لیڈر کے طور پر سراہا گیا۔
امریکی اخبار کا کہنا تھا کہ جنرل عاصم منیر کا بیرون ملک بین الاقوامی دنیا میں قد بھی بلند ہوا۔ جس سے انہیں بین الاقوامی سطح پر نئی عزت ملی۔ ٹرمپ انتظامیہ پاکستان کیساتھ تعلقات بہتر بنانے اور بائیڈن انتظامیہ کے نسبتاً مخالفانہ موقف سے ہٹنے کو اہمیت دیتی ہے۔
