ترجمان کے الیکٹرک کا کہنا ہے کہ شہر بھرمیں بجلی کی فراہمی معمول کے مطابق جاری ہے اور کے الیکٹرک کا نیٹ ورک مکمل طور پرمستحکم ہے۔
ترجمان کے مطابق کراچی کے 2100 فیڈرز میں سے 2000 سے زائد فیڈرز کے ذریعے بجلی کی فراہمی بلا تعطل جاری ہے۔
مختلف علاقوں میں بجلی مکمل طورپربحال کردی گئی ہے جن میں گبول کالونی، غوث پاک روڈ، سولجر بازار، نشتر پارک، گارڈن، بہادریارجنگ، گلشن حدید فیز 2، بن قاسم، حقانی چوک اورنیوسعید آباد شامل ہیں۔
کراچی، گلستانِ جوہر میں بجلی کی بندش پر شہریوں کا انوکھا احتجاج
ترجمان نے مزید بتایا کہ بولٹن مارکیٹ، بھگوان داس روڈ، میمن کالونی، ہجرت کالونی صدر، بهٹا ویلج، آدمجی نگار سوسائٹی، برفت محلہ، اللہ آباد ٹاؤن، اشفاق کالونی کیماڑی، سکندرآباد، شیریں جناح کالونی اورکلفٹن بلاک 1 میں بھی بجلی مکمل بحال کردی گئی ہے۔
مہران ٹاؤن، محمد علی گوٹھ، شہید حسین سٹی اورگلشن لطیف میں بجلی کی بحالی کا عمل تیزی سے جاری ہے، تکنیکی ٹیمیں ہرممکن کوشش کررہی ہیں کہ شہر بھرمیں بجلی کی فراہمی بلاتعطل جاری رہے۔
