وزیراعظم شہباز شریف نے کہا ہے کہ ایف بی آر اصلاحات سے ٹیکس کلیکشن میں اضافہ قابل اطمینان ہے۔
فیڈرل بورڈ آف ریونیو میں مجوزہ اصلاحات پر ہفتہ وار جائزہ اجلاس سے خطاب کرتے ہوئے وزیر اعظم نے کہا کہ اصلاحاتی اقدامات کی مکمل حمایت اور تحفظ کروں گا، اصلاحات کی راہ میں سرخ فیتے اور ادارہ جاتی رکاوٹیں ختم کریں گے۔
معیشت کی ڈیجیٹائزیشن سے شفافیت کے فروغ میں مدد ملے گی ، شہباز شریف
شہباز شریف نے کہا کہ انقلابی اصلاحات کی یکساں اور مؤثر نفاذ کو یقینی بنایا جائے، کسٹم کلیئرنس کے اصلاحاتی ایجنڈا میں ٹیکنالوجی سے وقت کی بچت ہوتی ہے، وفاق اور صوبے باہمی ہم آہنگی اور مربوط حکمت عملی سے کام کریں۔
ان کا کہنا تھا کہ ٹیکس کلیکشن کے تناسب میں اضافے کیلئے حکمت عملی بنائیں، فیڈرل بورڈ آف ریونیو اور کسٹم کلیئرنس کے اصلاحاتی نظام سے استعداد کار کو بڑھائیں۔
