کراچی گھارو پمپنگ اسٹیشن اور فلٹر پلانٹ میں کیبل فالٹ کے باعث پانی کی فراہمی متاثر ہوگئی۔
گھارو پمپنگ اسٹیشن اور فلٹر پلانٹ پر کے الیکٹرک کی بجلی کی فراہمی معطل ہوگئی ہے، ترجمان واٹرکارپوریشن کے مطابق کیبل فالٹ 18 جولائی کی سہ پہر 3 بجے پیش آیا، اسٹیشن سے پمپنگ مکمل بند ہوگئی ہے، کیبل فالٹ تاحال دور نہیں کیا جا سکا۔
دریائے جہلم و سندھ میں پانی کی سطح بلند، فلڈ الرٹ جاری
بجلی کی فراہمی معطل ہونے سے پی این ایس مہران، پی اے ایف بیس فیصل، پورٹ قاسم، بن قاسم ٹاؤن، شاہ فیصل ٹاؤن اور کارساز کے علاقوں میں پانی کی فراہمی متاثر ہو گی۔
ترجمان نے کہا کہ کیبل فالٹ کی درستگی کے لئے واٹر کارپوریشن حکام کے الیکٹرک انتظامیہ سے رابطے میں ہیں۔
