پاکستان معروف فیشن ڈیزائنر ماریہ بی کی جانب سے بچوں کے لیے بسنت کے تصور پر مبنی نئی کلیکشن لانچ کرنے کے بعد سوشل میڈیا پر ایک نیا تنازع کھڑا ہو گیا ہے۔
تفصلات کے مطابق تنازع کی بڑی وجہ یہ ہے کہ ماریہ بی نے حال ہی میں اپنی انسٹاگرام اسٹوری میں واضح کیا تھا کہ وہ بسنت نہیں مناتیں اور لوگوں سے گزارش کی تھی کہ انہیں بسنت کی دعوتیں بھیجنا بند کر دیں۔ انہوں نے یہ بھی کہا تھا کہ موجودہ حالات میں جشن منانے کے بجائے سوچنے اور خود احتسابی کی ضرورت ہے۔
تاہم، اسی کے ساتھ پتنگ کے تھیم پر مبنی “The Kite Club” کلیکشن لانچ کرنے پر صارفین نے اسے دوہرا معیار قرار دیا۔ سوشل میڈیا پر کئی افراد کا کہنا ہے کہ اگر بسنت کو ناپسند کیا جاتا ہے تو پھر اسی سے جڑے تصور کو تجارتی مقاصد کے لیے استعمال کرنا تضاد ہے۔
صارفین کی ایک بڑی تعداد نے ماریہ بی پر منافقت کا الزام عائد کرتے ہوئے کہا کہ ایک طرف وہ بسنت سے لاتعلقی کا اظہار کر رہی ہیں جبکہ دوسری طرف اسی روایت کو فیشن کے ذریعے فروغ دے رہی ہیں
