دنیا میں کچھ جانور ایسے ہیں جو انسانی عمر سے کئی گنا زیادہ زندگی گزار سکتے ہیں، ان جانوروں کا مطالعہ یہ بتاتا ہے کہ بڑھاپا ہر جاندار میں یکساں نہیں ہوتا اور کچھ جانور عمر رسیدگی کے اثرات کو سست یا مکمل طور پر روک سکتے ہیں۔
ہاتھی (Elephant)
ہاتھی اپنی بڑی جسامت اور سست میٹابولزم کی وجہ سے طویل عمر پاتے ہیں، افریقی ہاتھی تقریباً 74 سال اور ایشیائی ہاتھی تقریباً 60 سال زندہ رہتے ہیں۔ ان کے جسم میں ایسے جین موجود ہیں جو خلیات کے نقصان کو ٹھیک کرتے ہیں اور زندگی کو بڑھاتے ہیں۔
تاریخ کا سب سے بڑا بٹ کوائن فراڈ کیس دولت کی دیوی کو 11 سال قید کی سزا
بوہیڈ وہیلز (Bowhead Whale)
یہ بھاری وہیلیں تقریباً 200 سال زندہ رہ سکتی ہیں۔ اس کے جسم میں ایسے جینی عناصر موجود ہیں جو خلیوں کی مرمت کرتے ہیں اور بیماریوں کے خلاف حفاظت فراہم کرتے ہیں۔ ان کے جسم میں ایک خاص پروٹین عام انسانوں کے مقابلے میں تقریباً 100 گنا زیادہ ہوتا ہے، جو ان کی لمبی عمر میں مددگار ہے۔
البیٹروس (Albatross)
اکثر البیٹروسز تقریباً 50 سال زندہ رہتے ہیں۔ سب سے پرانا البیٹروس “وِزڈم” 2024 میں تقریباً 72 یا 73 سال کا تھا۔ اس کی طویل عمر کی وجہ اس کی پرواز کی مہارت اور عمر کے ساتھ بڑھتا ہوا تولیدی عمل ہے۔
خالی پیٹ یہ پھل کبھی بھی نہ کھائیں، ماہرین کی وارننگ
ٹواٹارا (Tuatara)
یہ نیو زی لینڈ کا رینگنے والا جانور ہے اور تقریباً 100 سال تک زندہ رہ سکتا ہے۔ اسے “زندہ فوسل” کہا جاتا ہے اور اس کے جینز بڑھاپے اور خلیاتی نقصان سے بچانے میں مددگار ہیں۔
دیو ہاتھی کچھوے (Giant Tortoises)
گیلاپاگوس کے دیو کچھوے 177 سال تک زندہ رہ سکتے ہیں۔ ان کا میٹابولزم سست، دل کی دھڑکن کم اور بالغ ہونے میں 30 سال لگتے ہیں، ان کے جین خلیوں کی مرمت، مدافعت اور کینسر کے خلاف تحفظ فراہم کرتے ہیں۔
غار کے سلامینڈر (Cave Salamanders)
یہ اندھے، غار میں رہنے والے امفیبیئن تقریباً 100 سال تک زندہ رہتے ہیں، ان کی سست حرکت اور کم توانائی کی ضرورت انہیں طویل عمر دیتی ہے۔
روغ آئی راک فش (Rougheye Rockfish)
یہ مچھلی شمالی پیسفک کے گہرے پانی میں رہتی ہے اور 200 سال سے زیادہ زندہ رہ سکتی ہے۔ یہ دیر سے بالغ ہوتی ہے اور عمر کے ساتھ مضبوط نسل پیدا کرتی ہے۔
محققین کے مطابق کچھ جین، جو ہارمونز اور جنسی بالغ ہونے کی رفتار کو کنٹرول کرتے ہیں، اس طویل عمر کی وضاحت کرتے ہیں۔ فلیونوائیڈ میٹابولک راستے بھی اس طویل عمر میں مددگار ہیں، جو انسانوں میں بھی اثر ڈال سکتے ہیں۔
