سوات کے شہر مینگورہ کے علاقے شاہدرہ وتکے میں زمرد کی کان بیٹھ جانے کے نتیجے میں ملبے تلے دب جانے والے 4 مزدوروں کو بحفاظت نکال لیا گیا۔
حادثہ گزشتہ رات کو اس وقت پیش آیا جب کان کے اندر کام کرنے والے مزدوروں کو غیر متوقع طور پر مٹی کے دھنسنے کی آواز آئی۔
اورکزئی میں کوئلے کی کان میں دم گھٹنے سے 3 مزدور جاں بحق
مزدوروں کو نکالنے کے لیے ریسکیو اور پولیس کی ٹیمیں رات بھر آپریشن میں مصروف رہیں ، آپریشن کو تیز کرنے کے لیے قریبی کانوں اور ایمرجنسی یونٹس سے اضافی مدد طلب کی گئی تھی۔
اطلاع ملنے پر پاک فوج کی ٹیم بھی مدد کو پہنچ گئی جس نے کئی گھنٹوں کی کوششوں کے بعد مزدوروں کو ریسکیو کر لیا۔
